Platt is nich/nitt Platt » Wuppertaler Strassenjargon der 50er

Hie kasse Platt schriewen » Archiv » Plattkaller-School » Platt is nich/nitt Platt » Wuppertaler Strassenjargon der 50er

Themen-Einstellungen

Thema abonnieren

Thema drucken

Bereich wechseln

Aktuelles Tüüch Rätseln, Rooden; wat för Klooke, Wiesnasen un Lütt de Plattwüörder learen wollen Utm Dahl, dat wat us soa angeit Dat Dahl - user Wupperdahl med sinne Deele Föar Gäste tum hie rinnschriewen Hütt de Daag brengt et, tach Daag, tach Lütt Dat un wat angers. Hölpe för de Saaken, de et soa tu maaken gefft. Archiv Eeten und Drenken es wat herrliches Freetkneipen un angere Suppbuden Tum Nohkooken un Nohbakken Platt em Bergeschen... Däm Manos sinne Schnückskers Hie kallt Manni Hesselnberg Hie küemt Solich Hie kallt Cru-embreg Dä Barmer vertöllt us wat... Plattkaller-Treffen Wat föar Uutgeschloopene Wettbewerbe, hie kasse wat gewinnen Rätsel. Hie kasse wat roden... Eck söök wat, hässe dat or wettse eehn, der dat verköfft...? Wat tu verkopen häv eck, kiek es... Hölp meck es Witze, miest op Platt. Lürik un Prosa Düse Weeke es wat loss.... Plattkaller-School Hie däm Link hengerhear Plattforschong, en bötschken wissenschaftlich Platt is nich/nitt Platt Wia es datt Platt enstangen, et es överall angers Platt med Hengergrond Wie heet datt op Platt..? Meck feel dat Wourd es grad wear een: Spröckskes - Sprichwörter - Redewendungen Woa use Aulen (Ollen) hearkoomen. Bööker op Platt Vertell es wat op Platt Dat woar fröher, dat woar soa toff Schriev hie rinn watte has Op de Böhne or söss wo Musik, am lewsten op Platt Brucks kinnen Dokter, Volksmedizin

#1 | Wuppertaler Strassenjargon der 50er datum

21.01.2010 07:20 (zuletzt bearbeitet: 21.01.2010 07:29)

Et weard meck hie vöargewopen, datt eck tu völl Spöökes mack, meck tu wennig öm de Wissenschaft vam Platt bekömmer. Eck meen, datt es völl wichter es, dat Platt tu lewen, awwer dat Platt wat noh Platt es. Man kann et ook wissenschaftlich aangonn, eck häv awwer kinne Germanistik or Sprachwissenschaft studeert, eck maak et utm Buck.
Dat heet awwer nit, dat eck dat nit begriep.

Meck es et hie grad fresch opgefallen. Vie hannt getz hie em Dahl en nüe Sprachrichtung dia van de Lütt, dia seck en Hoachdütsch versööken walln, gekallt wuord. Bie us es dat Platt as "fies" un "Ärme-Lütt-Gekäll" afgedonn wuorn. Dat hat med Platt utm Dahl verdarrie wennig tu donn. Dat es Hoachdütsch med Knubbeln. Eck häv vöar Joahren dä Begreep "Tals" doföar uutgedait. Vie hadden gelearnt, dat vie Wupperdahler senn, tuhuus woard "Hochdeutsch" versöckt.

Beteeknend doföar woar ook schaon en Book van "Waldemar van Wichelkus". Dä Autor Gottfried Walter Dicke, hät in sinne Bööker en paar uutgedaite Lütt am donn. Tum eenen es dat en Eheweit "Matta". Matta ongernemmt med eährem Kääl völl. Se gonnt enne Theater, maaken Uutflöge un soa widder. En "Wichelkus" Vertällongen es dat Matta-gekall, en Aanföhrongsstreeke gesatt. Wichelkus schriwt sinne Texte et miest en Lautsprache. Dat heet, hä schriewt dat soa, wia et uutgekallt wearn sall. Wennet "Matta" nu kallt, dann es dat dat Hoachdütsch med Knubbeln.

Een Beispell uut "Med de Matta em Theater". Matta sait: "Hier, Willi, putz mich ma die Schuhe" as se seck fein maaken wollden föar et Thater.
Dat es beteeknend föar dä Ömstangk, datt tu dia Tied schaon en anger Gekäll gesprooken wuord. De ärmen Lütt hannt seck en Hoachdütsch versöckt.
Dä Satz: "Hier, Willi, putz mich ma die Schuhe" hädden em Wichelkus-Platt (was meinem zu 95% enspricht) soa heeten mööten: "Hee, Willi, potz meck enns de Schauh".

Dat Hoachdütsch med Knubbeln es minne Meinung noh, dä Vöarlööper van däm wat en de Tied donoh hie em Dahl enstangen es.
Vie hannt hie Tumischongen van dobutten gekreegen, Lütt uut däm Osten or Ruhrgebiet as Bespell, hannt hie Eenflööte genoomen. Dadörch es hie en Knubbelplatt enstangen, wat awwer med däm Platt ut de Tied vöar däm earsten Weltkrieg nix or wennig tu donn hät.

Bespell vann hoachgelowten Wenkersätze.
Hochdeutsch: Es hört gleich auf zu schneien, dann wird das Wetter wieder besser.
Platt vöar däm 1. WK: Et höart gliek op tu schneien, dat Weeder weard gliek wear god.
Knubbel-Deutsch 50er Jahre: Et hört glaich op zo schneiön, dann weord dat Wedo wiedo besso.
Wat hat dat noh med Platt tu donn? Ganz völl, meen eck. Dat Platt es doh kinn "Latein", wat emmer soa bliewt, es en lewende Sprache, de seck ook weerentwickelt. Affgrenzongen send schwoar tu maaken. Welcke iinflösse wellse tulassen, de vöar dem earsten or nohm earsten Krech? Vöar de Flöchtlichströme enne fofftiger, or getz med de nüen Kulturen.
Wat minnt göt? Or es önk dat Thema tu wissenschaftlich?

et geht loss, Frau Voss
Un, woa koom eck hear - reit, ut em Dahl, alles angere es egaal.

Unser Stadtteil: http://www.doenberger.de
Unser Sponsor: http://www.landhaus-ewich.de
http://www.gunnarkohleick.de