Chreesdach

Chresdach es tum Joohresrest, doch dat allergrötzte Fäßt.
Ene Adwendstied bastel´n se met völl Göföhl,
Sternkes on en Kreppenspeel.
Käzen zoppen, Plätzkes maaken,
Blagen läähr´ten do no dolle Saaken.
Met Glöwen, Sängen on met Tuvosecht,
komm de Tannenboom en secht.
De Tannenboom woo Vattos Stolt,
met pillegrad gewaasenem Holt.
Toff geschmöckt, met Lametta, Kogeln on Engelshoor,
woo dann Chreesdach met Glöckskengebimmels do.
Wat hand se sek, öwer Kleenichkeiten göfreut,
kinner hät die Tied böreut.
Fröher met Fouf Mark, --- oh wie fein ( fiin),
kooft mo wat kleenet för de Familie ein (een).
Met Leewkooken on Braaden, woo et en Gönoss,
dat mo Chreestdach fiion moß ( mot )
Awwer domols, do ene Heiligen Nait,
hannd se no nich anne Tukonft gödait.
Woo dat fröher bödächtich on fein,
haun se sek hütt bold de Köppe ein ( enn ).
Dat düre Göschenk för Hongert Mark,
woar getz alt, de letzte Quark.
Dat Ballerspeel wöar gätz ock nich inn,
dat möt gätz van Schpirendo sinn.
De Wönsche wär´en emmer doller,
gätz wönscht mo sek en Motorroller.
Dat Kocken löt mo ock nich mehr frommen,
Getz löt monn Partyservis kommen ( koomen).
Wat öwwer bliewt, weil mo jo Chrestlich dänkt,
weard de nächsten Armentafel göschenkt.
No dem ganzen Spektackel on dem Stuß,
kömmt de Tied, wo me anne Moppen denken muß (mot).
Vomarktet, voramscht, - - de Kassen klengen,
da hörße nergens mehr en Engelken sengen.
Dat Resüme es,: getz es enns Schluß,
nästet Joohr fällt dat Chresdach uss ( uut).
Enne stellen Kammer seelich met Bedeit,
weard dann wear gesongen stelle on ock heilige Nait.

(c) Benno van´e Gemarke

Hässet afgeschrewen???
Es god Benno.
Dobie, hannt göt Weihnachtsgeschichten un Belder van önk fröher, eck häv eene geschrewen, dött de Geschechten do enns hie renn.

Die Weihnachtsgeschichte noh Lukas: Öwersatt van meck

Et woar domols, dä Kanzler Äu wollden dat soa, datt de Lütt es gezählt wearden sollden, wenn set nit hennkregen, sallden se se ongefähr schätzen.
Dat woar et earste Mol, as domols dä Kevin no Ministerpräsident en NRW woar.
Un alle woaren ongerwechs no Huus, no eahrem Einwohnermeldeamt
Un ook dä Jupp, dä Schreiner, uut Schwelm en de Nöchte van Wuppertal, mauten loss no Westfalen, hänger de Stadtgrenze van Langerfeld
Domet hä seck med sinn Fräuken Maria, med dä hä bestatt woar, un dia em nünnten Monat schwanger woar ook schätzen looten solld
Un als se en Schwelm aangekommen woaren, kreiten et eahre Wehen
Se hadden kinn Moos dobie, ook blöderweise eahre AOK-Karte vergeeten un mosten seck dorom enn en aulen KFZ-Werkstatt verstoppen, do geng dat loss. Et kreiten dat Kengk.
En dä Nöchte woaren ook es en paar Lütt vam Werkschutz enne Fleute ongerwechs, dä mauten op en Fuhrpark oppassen.
Plötzlich koom en Fahrer vam Chef med en Taschenlampe vöarbie un de Jonges vam Werkschutz mackten seck bold en de Box...,
Dä Cheffahrer saiten tu de Jonges enne Uniformen: Kinne Bange, eck wolld önk bloas saien, dat et wat toffes föar alle Lütt gefft,
Hütt es dä Jong geboren, dä Sohn vam Chef, hie en de Nöchte.
Un domet göt hä fengen könnt, hä leit op en aulen Autositz un hät nix reites aantutrecken
Un kapaaftich koomen no eenige angere Fahrer un woaren van eahrem Chef am Schwärmen:
„wat hannt vie föar en toffen Chef hie bowen, un alle Lütt dia hä mag, sallen seck nit mieh strieden.

Un als dä Cheffahrer affhauten, saiten de Werkschutz ongereenanger: Lott us noh Schwelm gonn un us dat aankeeken, wat de Fahrer us vertellt hann, wat dä Chef van de Fahrer dä vertollt hät.
Un se leepen dörch de Graslaake no Schwelm un konnden se fengen, dat Maria un dä Jupp, ook dat Blag op dä Autositz.
Als se seck dat Köttel bekeeken hadden, vertollten se de Aulen vam Kengk, wat dä Fahrer gesait hadden.
Un alle wongerten seck öwer dat gekallte vanne Fahrer
Maria awwer woar vam Vertollten soa beiindrockt, dat se ganz glöcklich woar.
De Werkschutzlütt maakten kehrt, un vertollten et getz allen angern, woaren soa baff vam Chef, wat hä soa aales drop hät, tumindest dat wat se do gesenn hannt un wat es gehüart hadden.

Toff geschrewen


awwer du weets do dat ek dat nich awschriewen dö.
Ek schrief dat selwer,
ek häw schon en ganz Böök voll so dattich Stöck on mehr.
Dann woße no nich op minne Homepage, dat es all van mek selws