Manchem rännt ett enn dänn Hals,
dä Kopp es wech, watt wu-elste maken?
On wenn de noch bess Pengsten kallst,
Die sind te doof – datt mott i-esch kraaken.

Früher woar ett su emm Lewen,
do wu-et tu-ierscht e-is nohgedeiht,
weil söss te lei-te gong donewen,
watt nitt su reiht wo-ar ü-ewerleiht.

Hütt schingt datt angersch – on völl besser,
do wäht nitt lang erömm gefackelt;
mett gru-eter Schnute on noch kesser,
on wenn die ganze Bude wackelt.

On ess u-ech falsch, watt wu-ed entschieden,
vann selwer Schu-eld wäht nitt gekallt,
i-esch mötten all die Angern lieden,
bess ett däm Flabes förr dänn Latz geknallt.

Verantworteng? Nur förr sech selwer?
Datt sind’er keng mi-e, Donnerschlach!
Gru-ete Schnute – nix dohenger –
Su gi-eht datt jetzt baul Dach förr Dach.

Ett wäht mett Geild erömmgeschmi-eten,
äs wö-er ett nix wie Driete wäht.
Dann äwwer bie dänn Aulen fies erömmgekni-epen,
ett ess falsch opgetümmt – datt Päd.

Datt Driethüsken

Emm Dorp su manch nett Hüsken stong(k)
nitt gru-et, nit kleng – nur grü-en.
Datt hu-epenwies Besü-ek empfong,
ett makden nie Gedü-en.

Die Dü-er wo-er mett ner Schaul versenn,
vann ennen on van uuten,
on wenn m’r wu-el, dann ku-en m’r senn,
duur’t Hatte bess no druuten.

On wo-ar ett voll, datt wo-ar nitt schlemm,
mett Eimern wu-ed ett leer gepöngelt,
Verschlu-ech u-ech dä Gerü-ek die Stemm,
ett wu-ed nitt lang erömm gedrömmelt.

Datt Krom kohm hottech enn dänn Garen,
wu-ed ömgegrawen on verhärkt.
Dann Buohnenstaaken van dä Kaaren,
goow Delekateß, wie m’r grasch merkt.

Baul wi-et ki-en Mensch mi-e, wie datt gong,
enn ussern Kengerdagen,
on wo emm Dorp sun Hüsken stong(k),
kann ki-ener mi-e reiht sagen.

Doch! I-ente sall ett doch noch gewen,
museumsmäßig, sti-eht ett wall am Fracke,
ganz fresch gemackt sall ett do widder lewen,
on grü-eßen manche auldbekangde Backe.

(c) manos

Dat es god
du häss schönne Votellkes, oder wie önk em Kornenberch seit Schnückskes

Hi-emet

Sulang datt Li-ed vam Hamer klengt,
enn usserm Hi-emetlangk
Sulang die Moaschbek sech noch wengt,
bess Möngsten, wie bekanngkt
Sulang hie noch dä Hangkschlach gilt,
äs hi-elges Ongerfangk,
Sulang mär Lug on Trug hie schilt,
bliew tröü ech mienem Langk.
Bess Gott, us Här, die Feder nömmt,
mir sachte ut därr Hangk,
on führt mech, wie ett mir bestemmt,
enn’en noch schönres Langk.

(c) manos

Wenne datt Ti-echen sühst, dann bösste tehi-emen:

Datt wö-er nitt nü-erech. Datt Vallée kü-en zelewes nitt "Tehi-emen" ersetten, ett sei denn, ett wü-ed no Cru-embreg enngemeindet. Äwwer warömm sü-elen sech die li-ewen Dörper sugett aandonn?

Nee, datt ess därr Bleck nomm Hatzfeil - do sall früher enn Galgen gestangen hann.