Hand se doch getz de Vo´packungs vo´ordnug geängert.
Getz kann jeder son Döppen nehmen wie et em gefällt.
Ok die Vo´packongen hand kinne Normwerte mehr.

Getz motze emmer rekenen, wie düer dat dat getz tatsächlich es.
Die seien jo emmer, dat dat kinne vo´sch´teckte Prieserhöhong es, dat motz denne jo glöwen,oder ock nich.

Ek häw mek öwerleit woröm maken die getz sonn Blödsinn, on do veel et mek wie Schoppen vanne Ogen, dat es, wegen de Pisa Sch´tudie.

Getz mötten die ganzen Börger sek van Old bes Jong mem Dreisatz beschäftigen, domet´se dat no´hollen wat´se enne School vo´pennt hand.

Ek häw mek gedeit gliekes Recht vör alle, getz sei nich nä.

Also glieket Recht vör alle, ben ek do en den Laden renn on häw gekeken, öwerall woar wenniger enne Pakong biem glieken Pries. Ek most mek extra en Ostfriesischen PC metnehmen,(fouf Fenger, on die angere Hangk tum tählen on den Dumen för eenen em Sinn) em Kopp kresse dat jo nich oppe Reihe.

Op jedenfalls, häw ek eengekofft, seit de Doof anne Kasse tweiuntwentich Euronen.
Ek häf ann en Riesenpotmonai rutgehollt un häw em foften gegewen.

Do seite do glatt dat wöar awwer tu wennich.
Ek sei glieket recht för alle, önk döt wenniger enne Packong on ek dö wenniger em Partmonai.
Do wollt de Henfling dicke Backen maken.
Ek sei en bötschken laut, so op Wopperdaler Aat: "wat woß du? wat hässe geseit? Met önker Bedrieter Packongen!"
On häw mek schon ens de Hemdärmel opgerollt.

Dä es ganz blas on schmerich geworden on seiten dat stemmt dann so.

Ek sollt awwer nich so oft wiar kommen, dann wörd ek Moppen sparen.

Jo dat es en godden Tipp,dat hät ek dem Schnösel getz ga´nich tugetraut.

De Ärmel hand ek getz nur opgerollt, weilet en bötschken mutschig woar em Laden, dat woar mek tu warm.

Woröm de mek getz son Preisnachlass gegewen hätt, wed ek getz ock nich, so kann mo awwer kinne Geschäfte maken, kin Wonger datte Weartschaft Pleite es!