JESU GEBURT
Lukas 2, 1-20
(Vann mir ennet Cru-embreger Platt gesatt)

On ett begoow sech äwwer tu därr Tied, datt enn Gebot uutgeng,
vam Ki-eser Augustus, datt alle Wei-eld geschätzt wü-ed.
On dösse Schätzeng woar die Alleri-erschte. On die passi-erden
äs dä Quirinius ett Sagen enn Syrien hatt.
On alle gengen loss, ömm sech schätzen te looten, jeder enn sing Stadt.
Do gong u-ech Josef uut Galiläa uut dr Stadt Nazareth ropp no
Judäa no dr Stadt vam David, die Bethlehem hedden, weil he uut
dämm Geschleihte vamm David woar, ömm sech enndragen te looten,
mett Maria, sinner Bruud; die woar enn angeren Ömstängen.
Wie se äwwer dann do aankoomen, woar die Tied geku-emen,
datt se gebären su-el. On se krääch ähren i-erschten Sohn, weckelden’n
enn Wengeln on leit änn enne Fu-erkrippe, weil ett söss ki-enen Platz
enn därr Herberch goow.
Ett woaren äwwer u-ech Hirten enn derselwen Begeende op’m Feild,
die paasden op ähre Di-er op. On dä Engel vann usserm HÄEN kohm bie se,
on die Klorhi-ed vann usserm HERRGOTT ömlöüden se; on se hatten
tämlech Schiß enn dr Boxe.
On dä Engel kallden se aan on seiht förr se:
„Gett mötten king Angst hann, kiekend, ech bräng önk; gru-ete Freud, die
dämm ganzen Volk wi-erfahren wäed; denn önk ess hütt enn dr Stadt vamm
David dä Hi-elangk gebo-aren; datt ess Christus, dä Hä-er.
On nehment datt tem Ti-echen: gett wä-eren enn Keng fengen enn Wengeln
gewekkelt on enn i-ener Fu-erkrippe li-egen.
On plötzlech woaren bie dämm Engel die hemmleschen Heerscharen, die lowten
GOTT on ri-epen: EHRE SEI GOTT IN DER HÖHE UND FRIEDE AUF ERDEN
BEI DEN MENSCHEN SEINES WOHLGEFALLENS.
On äs die Engel vann’en tem Hemmel fuhren, seihten die Hirten tu-enanger:
Lohtend us nu no Bethlehem gonn on senn watt do passiert ess, wie ett us
dä HÄ-ER datt vakündet heet.
On se gengen footens on fongen Maria on Josef,
dotu-e datt Kenk enn därr Krippe li-egen.
Wie se datt gesenn hatten, verbredden se datt Wo-ed, datt tu änn ü-ewer datt Kenk geseiht wo-aren wo-ar.
On all, die datt hu-eden wongerten sech ü-ewer die Wöed, die ihnen die Hirten
geseiht hatten.
Maria äwwer behi-el all die Wö-ed on bewegden se enn ährem Hatte.

On die Hirten ke-hrden teröck , pri-esen on lowden GOTT förr alles watt se gehu-et on gesenn hatten, wie ett fö-se geseiht wo-ar.




"Kranenberger" - u-ech nitt schleiht. Nöüterner on nöhder am Orgenal kann ech ett nit.
Ett ess ewen su, wie wir ett als Blagen geli-ert krägen - datt Cru-embreger Platt.