Domols wo ek no en Köttel, do send de Wiewer öwer de Wecke mete Blagen nom gelwen Sprong gelopen.
Owen oppe Wiesche hand se all ne Decke geleit on en Däsch met Törfs on sowat on met Sonnenöl.
An dem Sprong wooren sonn paa Felsen on de Quelle wo en groten Löwenkopp.
Do koom en armdicken Strahl Water ruut. Mete Prilfläschen hand wo us naatgespretzt.
Wenne Dorscht hattens konnze derekt dat Watter suppen.Badebox hattense no nich alle, manche hatten ok bloß de Ongerbox.
Awwer Spaß hatten wo van groot bes kleen all tusamen.
Geld föret Freibad hattense jo nich all, höchens am Wekenend wenne Vatter no metgong enne Mä

Dann es dat vanne Stadt kapott gemakt worden, on för düer Geld ömgebaut worden.
De egentliche Quelle geht getz döch ne Rohre öwern Kanal on kömmt nergens wear rut außer enne Lembeck

Om Spochtplatz vam "geelen Sprong" mackten vie vanne Volksschool usere Bundesjugendspiele. Loopen, Höppen un Schmieten. Eck hann nia en Urkonde gekreegen, woröm ook, häv nia doföar trainiert. Vam Speelen op de Stroote hässe zwar ook Loopen, Schmieten un Höppen mööten, awwer oppe dat soa rechtig macktens, woar doh drietens egal.
Joahre donoh sieh eck wear dohenn, häv Kogelstooten un Loopen do bedrewen. Föar et Loopen häv eck domols minnen Rööt medgenomen, dä hät seck awwer noh drei Ronden vanne Leine gereeten, woar däm tu doof emmer enne Ronde tu loopen.